Xa estamos coas últimas coliflores desta tempada, que se despediran ata finais de outono. Como ben sabedes as follas tamén se comen, no inverno son unhas follas moi tenras e suaves, cun sabor moi fino para ser unha "berza" jajaja. A estas alturas do ano co bo tempo póñense un pouco máis duras, só é cuestión de paciencia e telas un pouco máis de tempo ó lume. Por contrapartida a flor ten un sabor moito máis suave e están moi tiernas. Cocíñanse nun plis e non cheiran nada de nada. Así que a animarse a facer as últimas receitas de coliflor desta tempada.
Ingredientes:
1 coliflor
1 cebola
2 puerros
1-2 dentes de allo
1 puñado de alcaparras
Pasta
- Cocemos a coliflor en ramiños cun chisco de sal.
- Facemos un sofrito coa cebola, os puerros e o allo.
- Trituramos a coliflor cun pouco da auga da cocción para que quede cremosa.
- Mesturamos o sofrito, coa crema de coliflor e engadimos as alcaparras. Deixamos cociñar tapado a lume baixo.
- Cocémola pasta como teñamos costume.
- Servimos a pasta coa crema de coliflor.
No hay comentarios:
Publicar un comentario